SHALAWAT PANGGEMA

Ya Rasul Allah Salamun 'alaika..

Ya Nabi Allah Salamun 'alaika..

Ya Habib Allah Salamun 'alaika..

Ya Syafi Allah Salamun 'alaika...

Ya Nur Muhammad Salamun 'alaika

          Ngawitan buka KUNCI 'Bismillah'

          Mukana panto 'Alhamdulillah'

          Nampi PAPARin Nu Maha Gagah

          Sae Awona abdi sumerah..., Sukur tur Sabar ikhlas palasrah

Duh warga - wargi, Yu! urang ngaji

Ngaji Sari'at ulah ngan hiji

Kur pinter ngomong nulis jeung nyaci

Sirikna diri teu katinggali...Acina diri teu kapilari

          Loba nu apal Qur'an jeng Hadis

          Resep ngafirkeun nu teu sagaris

          Kafirna diri henteu kaloris

          Pamas hatena heunteu tariis.. ngadeuheus Gusti pating kecewis

Manusa sholeh sae atina

Kumargi mapan lengkep elmuNa

Qur'an  Nur Karim nyurup dadana

Caang Hatena sareng Akalna... Taya serat ge bisa macana

          Hirupna tengtrem rumasa aman

          Mantepna rasa cirina Iman

          Sabar narima nu kakirangan

          Sadaya Taqdir mung ti Pangeran..Mung Gusti Allah anu        Kagungan

Kaparakanca, dulur, tatangga

Yu! pada rukun tong silih hina

Eta sunnahna Rosul nu mulya

Nabi Muhammad conto sadaya..anu dimulya ku balarea

         

          Hayu sadaya, urang ngaraji

          Sare'at Torekat na katepi

          Manjing hakekat, Ma'rifat dugi

          Terang ka asal Jatina Diri..Uninga mulih Inalillahi

Ya Rasulullah Salamun 'alaika..

Ya Rofi'a syani wa daroji

'Athfata ya jirotal 'alami

Ya uhailaljuudi wal karomi